testkab.txt

Ih, akka i sliɣ iḍelli deg Tizi Wezzu.
Anwa wigi, d Imaziɣen.
Semman-as tasemmumt zeddigen, ma d nekni neqqar-as tibidest.
Wissen anwa i yellan dagi.
Awi-d afus-ik
Ad ak-neqqen lḥenni
D keččini a yisli
Ṛebbi ad k-ihenni
Acḥal ay-agi la nxeṭṭeb ur nufi
Nnuda idurar nεedda Tizi
Ass-a d tameɣra n lbaz bu timmi
Ass-a d tameɣra yufa lbaz m timmi
Acḥal ay-agi la nxeṭṭeb ur nufa
Nnuda idurar ar at Dwala
Ass-a d tameɣra n lbaz bu lḥerma
Ass-a d tameɣra Yufa lbaz m lḥerma
Acḥal ay-agi la nxeṭṭeb ur nuyis
Nnuda idurar nekka-d at Weɣlis
Ass-a d tameɣra n lbaz d temtilt-is.
Ass-a d tameɣra yufa lbaz tamtilt-is.
Acḥal ayagi la nxeṭṭeb s wallen ur nufi.
Nnuda idurar n wat Yiraten
Ass-a d tameɣra n lbaz ɣlayen
Ass-a d tameɣra nufa zzin ɣlayen
Acḥal ay-agi la nxeṭṭeb s tuffra
Nnuda idurar Bgayet meṛṛa
Ass-a d tameɣra n lbaz d tnina
Ass-a d tameɣra yufa lbaz tanina