АкафистБогородице.init.tex

\Cross%

\renewcommand{\TITLE}{А҆ка́ѳїстъ Бл҃говѣ́щенїю Прест҃о́й Бцы}%
\renewcommand{\TITLERU}{Акафист Благовещению Богородицы}%
\section[tocentry={\TOCENTRY},head={\TITLE}]{%
А҆ка́ѳїстъ Бл҃говѣ́щенїю\\*%
Прест҃о́й Бцⷣы%
}%%[END_section]

\hIII{%%[BEGIN_hIII]
Конда́къ~а҃:%
}%%[END_hIII]

\culB{%%[BEGIN_culB]
Взбра́нной воево́дѣ побѣди́тєльнаѧ, ꙗ҆́кѡ и҆зба́вльшесѧ ѿ~ѕлы́хъ, бл҃года́рствєннаѧ восписꙋ́емъ тѝ рабѝ твоѝ бцⷣе: но ꙗ҆́кѡ и҆мꙋ́щаѧ держа́вꙋ непобѣди́мꙋю, ѿ~всѧ́кихъ на́съ бѣ́дъ свободѝ, да зове́мъ тѝ: \KI Ра́дꙋйсѧ невѣ́сто неневѣ́стнаѧ.%
}%%[END_culB]

\glas{%%[BEGIN_glas]
І҆́косъ~а҃:%
}%%[END_glas]

\Txt{%%[BEGIN_Txt]
\KI А҆́гг҃лъ предста́тель съ~нб҃сѐ по́сланъ бы́сть, рещѝ бцⷣѣ: ра́дꙋйсѧ! и҆~со безпло́тнымъ гла́сомъ воплоща́ема тѧ̀ зрѧ̀ гдⷭ҇и, ᲂу҆жаса́шесѧ и҆~стоѧ́ше, зовы́й къ~не́й такова̑ѧ: ра́дꙋйсѧ, є҆́юже ра́дость возсїѧ́етъ: ра́дꙋйсѧ, є҆́юже клѧ́тва и҆сче́знетъ. ра́дꙋйсѧ, па́дшагѡ а҆да́ма воззва́нїе: ра́дꙋйсѧ, сле́зъ є҆́ѵиныхъ и҆збавле́нїе. ра́дꙋйсѧ, высото̀ неꙋдобовосходи́маѧ человѣ́ческими по́мыслы: ра́дꙋйсѧ, глꙋбино̀ неꙋдобозри́маѧ и҆~а҆́гг҃льскима ѻ҆чи́ма. ра́дꙋйсѧ, ꙗ҆́кѡ є҆сѝ цр҃е́во сѣда́лище: ра́дꙋйсѧ, ꙗ҆́кѡ но́сиши носѧ́щаго всѧ̑. ра́дꙋйсѧ, ѕвѣздо̀ ꙗ҆влѧ́ющаѧ сл҃нце: ра́дꙋйсѧ, ᲂу҆тро́бо бж҃е́ственнагѡ воплоще́нїѧ. ра́дꙋйсѧ, є҆́юже ѡ҆бновлѧ́етсѧ тва́рь: ра́дꙋйсѧ, є҆́юже покланѧ́емсѧ творцꙋ̀. \KI Ра́дꙋйсѧ невѣ́сто неневѣ́стнаѧ.%
}%%[END_Txt]

\hIII{%%[BEGIN_hIII]
Конда́къ~в҃:%
}%%[END_hIII]

\Txt{%%[BEGIN_Txt]
\KI Ви́дѧщи ст҃а́ѧ себѐ въ~чистотѣ̀, глаго́летъ гаврїи́лꙋ де́рзостнѡ: пресла́вное твоегѡ̀ гла́са неꙋдобопрїѧ́тельно дꙋшѝ мое́й ꙗ҆влѧ́етсѧ: безсѣ́меннагѡ бо зача́тїѧ ржⷭ҇тво̀ ка́кѡ глаго́леши, зовы́й: \KI А҆ллилꙋ́їа.%
}%%[END_Txt]

\glas{%%[BEGIN_glas]
І҆́косъ~в҃:%
}%%[END_glas]

\Txt{%%[BEGIN_Txt]
\KI Ра́зꙋмъ недоразꙋмѣва́емый, разꙋмѣ́ти дв҃а и҆́щꙋщи, возопѝ къ~слꙋжа́щемꙋ: и҆з̾ бокꙋ̀ чи̑стꙋ, сн҃ꙋ ка́кѡ є҆́сть роди́тисѧ мо́щно, рцы́ ми; къ~не́йже ѻ҆́нъ речѐ со стра́хомъ, ѻ҆ба́че зовы́й си́це: ра́дꙋйсѧ, совѣ́та неизрече́ннагѡ таи́ннице: ра́дꙋйсѧ, молча́нїѧ просѧ́щихъ вѣ́ро. ра́дꙋйсѧ, чꙋде́съ хрⷭ҇то́выхъ нача́ло: ра́дꙋйсѧ, велѣ́нїй є҆гѡ̀ глави́зно. ра́дꙋйсѧ, лѣ́ствице нбⷭ҇наѧ, є҆́юже сни́де бг҃ъ: ра́дꙋйсѧ, мо́сте преводѧ́й сꙋ́щихъ ѿ~землѝ на нб҃о. ра́дꙋйсѧ, а҆́гг҃лѡвъ многословꙋ́щее чꙋ́до: ра́дꙋйсѧ бѣсѡ́въ многоплаче́вный стрꙋ́пе. ра́дꙋйсѧ, свѣ́тъ неизрече́ннѡ роди́вшаѧ: ра́дꙋйсѧ, є҆́же ка́кѡ, ни є҆ди́нагоже наꙋчи́вшаѧ. ра́дꙋйсѧ, премꙋ́дрыхъ превосходѧ́щаѧ ра́зꙋмъ: ра́дꙋйсѧ, вѣ́рныхъ ѡ҆зарѧ́ющаѧ смы́слы. \KI Ра́дꙋйсѧ невѣ́сто неневѣ́стнаѧ.%
}%%[END_Txt]

\hIII{%%[BEGIN_hIII]
Конда́къ~г҃:%
}%%[END_hIII]

\Txt{%%[BEGIN_Txt]
\KI Си́ла вы́шнѧгѡ ѡ҆сѣнѝ тогда̀ къ~зача́тїю браконеискꙋ́снꙋю, и҆~бл҃гоплѡ́днаѧ тоѧ̀ ложесна̀, ꙗ҆́кѡ село̀ показа̀ сла́дкое, всѣ̑мъ хотѧ́щымъ жа́ти сп҃се́нїе, внегда̀ пѣ́ти си́це: \KI А҆ллилꙋ́їа.%
}%%[END_Txt]

\glas{%%[BEGIN_glas]
І҆́косъ~г҃:%
}%%[END_glas]

\Txt{%%[BEGIN_Txt]
\KI И҆мꙋ́щи бг҃опрїѧ́тнꙋю дв҃а ᲂу҆тро́бꙋ, востечѐ ко є҆лїсаве́ти: млⷣнцъ же ѻ҆́ноѧ а҆́бїе позна́въ сеѧ̀ цѣлова́нїе, ра́довашесѧ, и҆~и҆гра́ньми ꙗ҆́кѡ пѣ́сньми вопїѧ́ше къ~бцⷣѣ: ра́дꙋйсѧ, ѻ҆́трасли неꙋвѧда́емыѧ розго̀: ра́дꙋйсѧ, плода̀ безсме́ртнагѡ стѧжа́нїе. ра́дꙋйсѧ, дѣ́лателѧ дѣ́лающаѧ чл҃вѣколю́бца: ра́дꙋйсѧ, сади́телѧ жи́зни на́шеѧ ро́ждшаѧ. ра́дꙋйсѧ, ни́во, растѧ́щаѧ гобзова́нїе щедро́тъ: ра́дꙋйсѧ, трапе́зо, носѧ́щаѧ ѻ҆би́лїе ѡ҆чище́нїй. ра́дꙋйсѧ, ꙗ҆́кѡ ра́й пи́щный процвѣта́еши: ра́дꙋйсѧ, ꙗ҆́кѡ приста́нище дꙋша́мъ гото́виши. ра́дꙋйсѧ, прїѧ́тное мл҃твы кади́ло: ра́дꙋйсѧ, всегѡ̀ мі́ра ѡ҆чище́нїе. ра́дꙋйсѧ, бж҃їе къ~смє́ртнымъ бл҃говоле́нїе: ра́дꙋйсѧ, сме́ртныхъ къ~бг҃ꙋ дерзнове́нїе. \KI Ра́дꙋйсѧ невѣ́сто неневѣ́стнаѧ.%
}%%[END_Txt]

\hIII{%%[BEGIN_hIII]
Конда́къ~д҃:%
}%%[END_hIII]

\Txt{%%[BEGIN_Txt]
\KI Бꙋ́рю внꙋ́трь и҆мѣ́ѧ помышле́нїй сꙋмни́тельныхъ, цѣломꙋ́дренный і҆ѡ́сифъ смѧте́сѧ, къ~тебѣ̀ зрѧ̀ небра́чнѣй, и҆~бракоѡкра́дованнꙋю помышлѧ́ѧ, непоро́чнаѧ: ᲂу҆вѣ́дѣвъ же твоѐ зача́тїе ѿ~дх҃а ст҃а, речѐ: \KI А҆ллилꙋ́їа.%
}%%[END_Txt]

\glas{%%[BEGIN_glas]
І҆́косъ~д҃:%
}%%[END_glas]

\Txt{%%[BEGIN_Txt]
\KI Слы́шаша па́стырїе а҆́гг҃лѡвъ пою́щихъ плотско́е хрⷭ҇то́во прише́ствїе, и҆~те́кше ꙗ҆́кѡ къ~па́стырю, ви́дѧтъ сего̀ ꙗ҆́кѡ а҆́гнца непоро́чна, во чре́вѣ мр҃і́инѣ ᲂу҆па́сшасѧ, ю҆́же пою́ще рѣ́ша: ра́дꙋйсѧ, а҆́гнца и҆~па́стырѧ мт҃и: ра́дꙋйсѧ, дво́ре слове́сныхъ ѻ҆ве́цъ. ра́дꙋйсѧ, неви́димыхъ врагѡ́въ мꙋче́нїе: ра́дꙋйсѧ, ра́йскихъ две́рей ѿверзе́нїе. ра́дꙋйсѧ, ꙗ҆́кѡ нбⷭ҇наѧ сра́дꙋютсѧ земны̑мъ: ра́дꙋйсѧ, ꙗ҆́кѡ зємна́ѧ сликовствꙋ́ютъ нбⷭ҇нымъ. ра́дꙋйсѧ, а҆пⷭ҇лѡвъ немѡ́лчнаѧ ᲂу҆ста̀: ра́дꙋйсѧ, страстоте́рпцєвъ непобѣди́маѧ де́рзосте. ра́дꙋйсѧ, тве́рдое вѣ́ры ᲂу҆твержде́нїе: ра́дꙋйсѧ, свѣ́тлое бл҃года́ти позна́нїе. ра́дꙋйсѧ, є҆́юже ѡ҆бнажи́сѧ а҆́дъ: ра́дꙋйсѧ, є҆́юже ѡ҆блеко́хомсѧ сла́вою. \KI Ра́дꙋйсѧ невѣ́сто неневѣ́стнаѧ.%
}%%[END_Txt]

\hIII{%%[BEGIN_hIII]
Конда́къ~є҃:%
}%%[END_hIII]

\Txt{%%[BEGIN_Txt]
\KI Бг҃оте́чнꙋю ѕвѣздꙋ̀ ᲂу҆зрѣ́вше волсвѝ, тоѧ̀ послѣ́доваша зарѝ: и҆~ꙗ҆́кѡ свѣти́льникъ держа́ще ю҆̀, то́ю и҆спыта́хꙋ крѣ́пкаго царѧ̀: и҆~дости́гше непостижи́маго, возра́довашасѧ є҆мꙋ̀ вопїю́ще: \KI А҆ллилꙋ́їа.%
}%%[END_Txt]

\glas{%%[BEGIN_glas]
І҆́косъ~є҃:%
}%%[END_glas]

\Txt{%%[BEGIN_Txt]
\KI Ви́дѣша ѻ҆́троцы халде́йстїи на рꙋкꙋ̀ дв҃и́чꙋ, созда́вшаго рꙋка́ма человѣ́ки, и҆~влⷣкꙋ разꙋмѣва́юще є҆го̀, а҆́ще и҆~ра́бїй прїѧ́тъ зра́къ, потща́шасѧ дармѝ послꙋжи́ти є҆мꙋ̀, и҆~возопи́ти бл҃гослове́ннѣй: ра́дꙋйсѧ, ѕвѣзды̀ незаходи́мыѧ мт҃и: ра́дꙋйсѧ, зарѐ та́инственнагѡ днѐ. ра́дꙋйсѧ, пре́лести пе́щь ᲂу҆гаси́вшаѧ: ра́дꙋйсѧ, трⷪ҇цы таи́нники просвѣща́ющаѧ. ра́дꙋйсѧ, мꙋчи́телѧ безчеловѣ́чнаго и҆змета́ющаѧ ѿ~нача́льства: ра́дꙋйсѧ, гдⷭ҇а чл҃вѣколю́бца показа́вшаѧ хрⷭ҇та̀. ра́дꙋйсѧ, ва́рварскагѡ и҆збавлѧ́ющаѧ слꙋже́нїѧ: ра́дꙋйсѧ, тимѣ́нїѧ и҆з̾има́ющаѧ дѣ́лъ. ра́дꙋйсѧ, ѻ҆гнѧ̀ поклоне́нїе ᲂу҆гаси́вшаѧ: ра́дꙋйсѧ, пла́мене страсте́й и҆змѣнѧ́ющаѧ. ра́дꙋйсѧ, вѣ́рныхъ наста́внице цѣломꙋ́дрїѧ: ра́дꙋйсѧ, всѣ́хъ родѡ́въ весе́лїе. \KI Ра́дꙋйсѧ невѣ́сто неневѣ́стнаѧ.%
}%%[END_Txt]

\hIII{%%[BEGIN_hIII]
Конда́къ~ѕ҃:%
}%%[END_hIII]

\Txt{%%[BEGIN_Txt]
\KI Проповѣ̑дницы бг҃оно́снїи бы́вше волсвѝ, возврати́шасѧ въ~вавѷлѡ́нъ, сконча́вше твоѐ прⷪ҇ро́чество: и҆~проповѣ́давше тѧ̀ хрⷭ҇та̀ всѣ̑мъ, ѡ҆ста́виша и҆́рѡда ꙗ҆́кѡ бꙋесло́вѧща, не вѣ́дꙋща пѣ́ти: \KI А҆ллилꙋ́їа.%
}%%[END_Txt]

\glas{%%[BEGIN_glas]
І҆́косъ~ѕ҃:%
}%%[END_glas]

\Txt{%%[BEGIN_Txt]
\KI Возсїѧ́вый во є҆гѵ́птѣ просвѣще́нїе и҆́стины, ѿгна́лъ є҆сѝ лжѝ тьмꙋ̀: і҆́дѡли бо є҆гѡ̀ сп҃се, не терпѧ́ще твоеѧ̀ крѣ́пости, падо́ша. си́хъ же и҆зба́вльшїисѧ вопїѧ́хꙋ къ~бцⷣѣ: ра́дꙋйсѧ, и҆справле́нїе человѣ́кѡвъ: ра́дꙋйсѧ, низпаде́нїе бѣсѡ́въ. ра́дꙋйсѧ, пре́лести держа́вꙋ попра́вшаѧ: ра́дꙋйсѧ, і҆́дѡльскꙋю ле́сть ѡ҆бличи́вшаѧ. ра́дꙋйсѧ мо́ре, потопи́вшее фараѡ́на мы́сленнаго: ра́дꙋйсѧ, ка́меню, напои́вшїй жа́ждꙋщыѧ жи́зни. ра́дꙋйсѧ, ѻ҆́гненный сто́лпе, наставлѧ́ѧй сꙋ́щыѧ во тьмѣ̀: ра́дꙋйсѧ, покро́ве мі́рꙋ, ши́ршїй ѻ҆́блака. ра́дꙋйсѧ пи́ще, ма́нны прїе́мнице: ра́дꙋйсѧ, сла́дости ст҃ы́ѧ слꙋжи́тельнице. ра́дꙋйсѧ, землѐ ѡ҆бѣтова́нїѧ: ра́дꙋйсѧ, и҆з̾ неѧ́же тече́тъ ме́дъ и҆~млеко̀. \KI Ра́дꙋйсѧ невѣ́сто неневѣ́стнаѧ.%
}%%[END_Txt]

\hIII{%%[BEGIN_hIII]
Конда́къ~з҃:%
}%%[END_hIII]

\Txt{%%[BEGIN_Txt]
\KI Хотѧ́щꙋ сѷмеѡ́нꙋ ѿ~ны́нѣшнѧгѡ вѣ́ка преста́витисѧ преле́стнагѡ, вда́лсѧ є҆сѝ ꙗ҆́кѡ млⷣнцъ томꙋ̀: но позна́лсѧ є҆сѝ є҆мꙋ̀ и҆~бг҃ъ соверше́нный. тѣ́мже ᲂу҆диви́сѧ твое́й неизрече́ннѣй премꙋ́дрости, зовы́й: А҆ллилꙋ́їа.%
}%%[END_Txt]

\glas{%%[BEGIN_glas]
І҆́косъ~з҃:%
}%%[END_glas]

\Txt{%%[BEGIN_Txt]
\KI Но́вꙋю показа̀ тва́рь ꙗ҆́вльсѧ зижди́тель, на́мъ И҆~ѿ негѡ̀ бы́вшымъ, и҆з̾ безсѣ́менныѧ прозѧ́бъ ᲂу҆тро́бы, и҆~сохрани́въ ю҆̀, ꙗ҆́коже бѣ̀, нетлѣ́ннꙋ. да чꙋ́до ви́дѧще воспои́мъ ю҆̀, вопїю́ще: ра́дꙋйсѧ, цвѣ́те нетлѣ́нїѧ: ра́дꙋйсѧ, вѣ́нче воздержа́нїѧ. ра́дꙋйсѧ, воскрⷭ҇нїѧ ѡ҆́бразъ ѡ҆блиста́ющаѧ: ра́дꙋйсѧ, а҆́гг҃льское житїѐ ꙗ҆влѧ́ющаѧ. ра́дꙋйсѧ дре́во свѣтлоплодови́тое, ѿ~негѡ́же пита́ютсѧ вѣ́рнїи: ра́дꙋйсѧ дре́во бл҃госѣнноли́ственное, и҆́мже покрыва́ютсѧ мно́зи. ра́дꙋйсѧ, во чре́вѣ носѧ́щаѧ и҆зба́вителѧ плѣнє́ннымъ: ра́дꙋйсѧ, ро́ждшаѧ наста́вника заблꙋ́ждшымъ. ра́дꙋйсѧ, сꙋдїѝ првⷣнагѡ ᲂу҆моле́нїе: ра́дꙋйсѧ, мно́гихъ согрѣше́нїй проще́нїе. ра́дꙋйсѧ, ѻ҆де́ждо наги́хъ дерзнове́нїѧ: ра́дꙋйсѧ, любы̀ всѧ́кое жела́нїе побѣжда́ющаѧ. \KI Ра́дꙋйсѧ невѣ́сто неневѣ́стнаѧ.%
}%%[END_Txt]

\hIII{%%[BEGIN_hIII]
Конда́къ~и҃:%
}%%[END_hIII]

\Txt{%%[BEGIN_Txt]
\KI Стра́нное ржⷭ҇тво̀ ви́дѣвше, ᲂу҆страни́мсѧ мі́ра, ᲂу҆́мъ на нб҃са̀ прело́жше: сегѡ́ бо ра́ди высо́кїй бг҃ъ, на землѝ ꙗ҆ви́сѧ смире́нный человѣ́къ, хотѧ́й привлещѝ къ~высотѣ̀, томꙋ̀ вопїю́щыѧ: \KI А҆ллилꙋ́їа.%
}%%[END_Txt]

\glas{%%[BEGIN_glas]
І҆́косъ~и҃:%
}%%[END_glas]

\Txt{%%[BEGIN_Txt]
\KI Ве́сь бѣ̀ въ~ни́жнихъ, и҆~вы́шнихъ ника́коже ѿстꙋпѝ неѡпи́санное сло́во: снизхожде́нїе бо бж҃е́ственное, не прехожде́нїе же мѣ́стное бы́сть, и҆~ржⷭ҇тво̀ ѿ~дв҃ы бг҃опрїѧ́тныѧ, слы́шащїѧ сїѧ̑: ра́дꙋйсѧ, бг҃а невмѣсти́магѡ вмѣсти́лище: ра́дꙋйсѧ, честна́гѡ та́инства двє́ри. ра́дꙋйсѧ, невѣ́рныхъ сꙋмни́тельное слы́шанїе: ра́дꙋйсѧ, вѣ́рныхъ и҆звѣ́стнаѧ похвало̀. ра́дꙋйсѧ, колесни́це прест҃а́ѧ, сꙋ́щагѡ на херꙋві́мѣхъ: ра́дꙋйсѧ, селе́нїе пресла́вное, сꙋ́щагѡ на серафі́мѣхъ. ра́дꙋйсѧ, проти̑внаѧ въ~то́жде собра́вшаѧ: ра́дꙋйсѧ, дв҃ство и҆~ржⷭ҇тво̀ сочета́вшаѧ. ра́дꙋйсѧ, є҆́юже разрѣши́сѧ престꙋпле́нїе: ра́дꙋйсѧ, є҆́юже ѿве́рзесѧ ра́й. ра́дꙋйсѧ, ключꙋ̀ црⷭ҇твїѧ хрⷭ҇то́ва: ра́дꙋйсѧ, наде́ждо бла̑гъ вѣ́чныхъ. \KI Ра́дꙋйсѧ невѣ́сто неневѣ́стнаѧ.%
}%%[END_Txt]

\hIII{%%[BEGIN_hIII]
Конда́къ~ѳ҃:%
}%%[END_hIII]

\Txt{%%[BEGIN_Txt]
\KI Всѧ́кое є҆стество̀ а҆́гг҃льское ᲂу҆диви́сѧ, вели́комꙋ твоегѡ̀ вочл҃вѣ́ченїѧ дѣ́лꙋ: непристꙋ́пнаго бо ꙗ҆́кѡ бг҃а, зрѧ́ше всѣ̑мъ пристꙋ́пнаго человѣ́ка, на́мъ ᲂу҆́бѡ спребыва́юща, слы́шаща же ѿ~всѣ́хъ: \KI А҆ллилꙋ́їа.%
}%%[END_Txt]

\glas{%%[BEGIN_glas]
І҆́косъ~ѳ҃:%
}%%[END_glas]

\Txt{%%[BEGIN_Txt]
\KI Вѣті̑ѧ многовѣща̑нныѧ, ꙗ҆́кѡ ры̑бы безгла̑сныѧ, ви́димъ ѡ҆~тебѣ̀ бцⷣе: недоꙋмѣва́ютъ бо глаго́лати, є҆́же ка́кѡ, и҆~дв҃а пребыва́еши, и҆~роди́ти возмогла̀ є҆сѝ; мы́ же та́инствꙋ дивѧ́щесѧ, вѣ́рнѡ вопїе́мъ: ра́дꙋйсѧ, премꙋ́дрости бж҃їѧ прїѧ́телище: ра́дꙋйсѧ, промышле́нїѧ є҆гѡ̀ сокро́вище. ра́дꙋйсѧ, любомꙋ̑дрыѧ немꙋ̑дрыѧ ꙗ҆влѧ́ющаѧ: ра́дꙋйсѧ, хитрословє́сныѧ безсловє́сныѧ ѡ҆блича́ющаѧ: ра́дꙋйсѧ, ꙗ҆́кѡ ѡ҆бꙋѧ́ша лю́тїи взыска́телє: ра́дꙋйсѧ, ꙗ҆́кѡ ᲂу҆вѧдо́ша баснотво́рцы. ра́дꙋйсѧ, а҆ѳїнє́йскаѧ плетє́нїѧ растерза́ющаѧ: ра́дꙋйсѧ, ры̑барскїѧ мрє́жи и҆сполнѧ́ющаѧ. ра́дꙋйсѧ, и҆з̾ глꙋбины̀ невѣ́дѣнїѧ и҆звлача́ющаѧ: ра́дꙋйсѧ, мнѡ́ги въ~ра́зꙋмѣ просвѣща́ющаѧ. ра́дꙋйсѧ, кораблю̀ хотѧ́щихъ сп҃сти́сѧ: ра́дꙋйсѧ, приста́нище жите́йскихъ пла́ванїй. \KI Ра́дꙋйсѧ невѣ́сто неневѣ́стнаѧ.%
}%%[END_Txt]

\hIII{%%[BEGIN_hIII]
Конда́къ~і҃:%
}%%[END_hIII]

\Txt{%%[BEGIN_Txt]
\KI Сп҃стѝ хотѧ̀ мі́ръ, и҆́же всѣ́хъ ᲂу҆краси́тель, къ~семꙋ̀ самоѡбѣтова́нъ прїи́де, и҆~па́стырь сы́й ꙗ҆́кѡ бг҃ъ, на́съ ра́ди ꙗ҆ви́сѧ по на́мъ человѣ́къ: подо́бнымъ бо подо́бное призва́въ, ꙗ҆́кѡ бг҃ъ слы́шитъ: \KI А҆ллилꙋ́їа.%
}%%[END_Txt]

\glas{%%[BEGIN_glas]
І҆́косъ~і҃:%
}%%[END_glas]

\Txt{%%[BEGIN_Txt]
\KI Стѣна̀ є҆сѝ дѣ́вамъ бцⷣе дв҃о, и҆~всѣ̑мъ къ~тебѣ̀ прибѣга́ющымъ: и҆́бо нб҃сѐ и҆~землѝ творе́цъ ᲂу҆стро́и тѧ̀ пречⷭ҇таѧ, все́льсѧ во ᲂу҆тро́бѣ твое́й, и҆~всѧ̑ приглаша́ти тебѣ̀ наꙋчи́въ: ра́дꙋйсѧ, сто́лпе дѣ́вства: ра́дꙋйсѧ, две́рь сп҃се́нїѧ: ра́дꙋйсѧ, нача́льнице мы́сленнагѡ назда́нїѧ: ра́дꙋйсѧ, пода́тельнице бж҃е́ственныѧ бл҃гости. ра́дꙋйсѧ, ты́ бо ѡ҆бнови́ла є҆сѝ зача̑тыѧ стꙋ́днѡ: ра́дꙋйсѧ, ты́ бо наказа́ла є҆сѝ ѡ҆кра́дєнныѧ ᲂу҆мо́мъ. ра́дꙋйсѧ, тли́телѧ смы́слѡвъ ᲂу҆пражнѧ́ющаѧ: ра́дꙋйсѧ, сѣ́ѧтелѧ чистоты̀ ро́ждшаѧ. ра́дꙋйсѧ, черто́же безсѣ́меннагѡ ᲂу҆невѣ́щенїѧ: ра́дꙋйсѧ, вѣ́рныхъ гдⷭ҇ви сочета́вшаѧ. ра́дꙋйсѧ, до́браѧ младопита́тельнице дѣ́вамъ: ра́дꙋйсѧ, невѣстокраси́тельнице дꙋ́шъ ст҃ы́хъ. \KI Ра́дꙋйсѧ невѣ́сто неневѣ́стнаѧ.%
}%%[END_Txt]

\hIII{%%[BEGIN_hIII]
Конда́къ~а҃і:%
}%%[END_hIII]

\Txt{%%[BEGIN_Txt]
\KI Пѣ́нїе всѧ́кое побѣжда́етсѧ, спростре́тисѧ тща́щеесѧ ко мно́жествꙋ мно́гихъ щедро́тъ твои́хъ: равночи̑сленныѧ бо песка̀ пѣ̑сни а҆́ще прино́симъ тѝ цр҃ю̀ ст҃ы́й, ничто́же соверша́емъ досто́йно, ꙗ҆̀же да́лъ є҆сѝ на́мъ тебѣ̀ вопїю́щымъ: \KI А҆ллилꙋ́їа.%
}%%[END_Txt]

\glas{%%[BEGIN_glas]
І҆́косъ~а҃і:%
}%%[END_glas]

\Txt{%%[BEGIN_Txt]
\KI Свѣтопрїе́мнꙋю свѣщꙋ̀, сꙋ́щымъ во тьмѣ̀ ꙗ҆́вльшꙋюсѧ, зри́мъ ст҃ꙋ́ю дв҃ꙋ: невеще́ственный бо вжига́ющи ѻ҆́гнь, наставлѧ́етъ къ~ра́зꙋмꙋ бж҃е́ственномꙋ всѧ̑, заре́ю ᲂу҆́мъ просвѣща́ющаѧ, зва́нїемъ же почита́емаѧ, си́ми. ра́дꙋйсѧ, лꙋчѐ ᲂу҆́мнагѡ сл҃нца: ра́дꙋйсѧ, свѣти́ло незаходи́магѡ свѣ́та. ра́дꙋйсѧ, мо́лнїе дꙋ́шы просвѣща́ющаѧ: ра́дꙋйсѧ, ꙗ҆́кѡ гро́мъ, врагѝ ᲂу҆страша́ющаѧ. ра́дꙋйсѧ, ꙗ҆́кѡ многосвѣ́тлое возсїѧва́еши просвѣще́нїе: ра́дꙋйсѧ, ꙗ҆́кѡ многотекꙋ́щꙋю и҆сточа́еши рѣкꙋ̀. ра́дꙋйсѧ, кꙋпѣ́ли живописꙋ́ющаѧ ѡ҆́бразъ: ра́дꙋйсѧ, грѣхо́внꙋю ѿе́млющаѧ скве́рнꙋ. ра́дꙋйсѧ, ба́не, ѡ҆мыва́ющаѧ со́вѣсть: ра́дꙋйсѧ ча́ше, че́рплющаѧ ра́дость. ра́дꙋйсѧ, ѡ҆бонѧ́нїе хрⷭ҇то́ва бл҃гоꙋха́нїѧ: ра́дꙋйсѧ, животѐ та́йнагѡ весе́лїѧ. \KI Ра́дꙋйсѧ невѣ́сто неневѣ́стнаѧ.%
}%%[END_Txt]

\hIII{%%[BEGIN_hIII]
Конда́къ~в҃і:%
}%%[END_hIII]

\Txt{%%[BEGIN_Txt]
\KI Бл҃года́ть да́ти восхотѣ́въ долгѡ́въ дре́внихъ, всѣ́хъ долгѡ́въ рѣши́тель человѣ́кѡмъ, прїи́де собо́ю ко ѿше́дшымъ тогѡ̀ бл҃года́ти: и҆~раздра́въ рꙋкописа́нїе, слы́шитъ ѿ~всѣ́хъ си́це: \KI А҆ллилꙋ́їа.%
}%%[END_Txt]

\glas{%%[BEGIN_glas]
І҆́косъ~в҃і:%
}%%[END_glas]

\Txt{%%[BEGIN_Txt]
\KI Пою́ще твоѐ ржⷭ҇тво̀, хва́лимъ тѧ̀ всѝ, ꙗ҆́кѡ ѡ҆дꙋшевле́нный хра́мъ бцⷣе: во твое́й бо всели́всѧ ᲂу҆тро́бѣ, содержа́й всѧ̑ рꙋко́ю гдⷭ҇ь, ѡ҆свѧтѝ, просла́ви, наꙋчѝ вопи́ти тебѣ̀ всѣ́хъ: ра́дꙋйсѧ, селе́нїе бг҃а и҆~сло́ва: ра́дꙋйсѧ, ст҃а́ѧ ст҃ы́хъ бо́льшаѧ. ра́дꙋйсѧ, ковче́же позлаще́нный дх҃омъ: ра́дꙋйсѧ, сокро́вище живота̀ неистощи́мое. ра́дꙋйсѧ, честны́й вѣ́нче царе́й бл҃гочести́выхъ: ра́дꙋйсѧ, честна́ѧ похвало̀ і҆ере́євъ бл҃гоговѣ́йныхъ. ра́дꙋйсѧ, це́ркве непоколеби́мый сто́лпе: ра́дꙋйсѧ, ца́рствїѧ нерꙋши́маѧ стѣно̀. ра́дꙋйсѧ, є҆́юже воздви́жꙋтсѧ побѣ̑ды: ра́дꙋйсѧ, є҆́юже низпа́даютъ вразѝ. ра́дꙋйсѧ, тѣ́ла моегѡ̀ врачева́нїе: ра́дꙋйсѧ, дꙋшѝ моеѧ̀ сп҃се́нїе. \KI Ра́дꙋйсѧ невѣ́сто неневѣ́стнаѧ.%
}%%[END_Txt]

\hIII{%%[BEGIN_hIII]
Конда́къ~г҃і:%
}%%[END_hIII]

\Txt{%%[BEGIN_Txt]
\KI Ѽ~всепѣ́таѧ мт҃и, ро́ждшаѧ всѣ́хъ ст҃ы́хъ ст҃ѣ́йшее сло́во, ны́нѣшнее прїе́мши приноше́нїе, ѿ~всѧ́кїѧ и҆зба́ви напа́сти всѣ́хъ, и҆~бꙋ́дꙋщїѧ и҆змѝ мꙋ́ки, тебѣ̀ вопїю́щихъ: \KI А҆ллилꙋ́їа.%
}%%[END_Txt]

\ustavC{%%[BEGIN_ustavC]
Се́й конда́къ глаго́ли три́жды.%
}%%[END_ustavC]

\ustav{%%[BEGIN_ustav]
И҆~па́ки чте́тсѧ а҃-й і҆́косъ: А҆́\cub{гг҃лъ предста́тель:}%
}%%[END_ustav]

\ustav{%%[BEGIN_ustav]
И҆~па́ки конда́къ: В\cub{збра́нной воево́дѣ:}%
}%%[END_ustav]