Samkvæmt lögum Pírata skal bókhald félagsins vera opið almenningi á vefsíðu þess. Bókhaldið er uppfært jafnóðum með fyrirvara um villur og samþykki aðalfundar. Samþykktir ársreikningar skulu einnig liggja fyrir á vefsíðu félagsins.
Markmið með opnu bókhaldi Pírata er að vera til fyrirmyndar í þeim málum og vísa veginn. Píratar vilja að bókhald hins opinbera sé birt, og borgarar geti fylgst með í hvað tekjum ríkis og sveitarfélaga sé varið.
Opið bókhald tryggir gegnsæ vinnubrögð. Félagsmenn geta þannig fylgst með hvað stjórnendur félagsins eru að framkvæma. Þetta er hvati til að taka upplýstar ákvarðanir um notkun fjármuna félagsins.
Píratar fylgja að sjálfsögðu lögum 162/2006 um fjármál stjórnmálasamtaka og leiðbeiningum Fjármálaráðuneytisins til stjórnmálaflokka.