Vefforritun 1, 2024: Verkefni 7, JS #1

• Vefforritun 1, 2024, fyrirlestur 8.4: Verkefni 7
• Vefforritun 1, 2024, fyrirlestur 9.1: Meira um verkefni 7
• Vefforritun 1, 2024, fyrirlestur 9.2: Verkefni 7 og Netlify

Markmið

• Búa til JavaScript forrit sem notar föll, flæðistýringar og ítranir.
• Nota strengi og tölur í JavaScript.
• Nota fylki og hluti í JavaScript.

Grunnur

Gefinn er grunnur að verkefni:

• package.json með:
  • skilgreindum dependency-ium: browser-sync, concurrently og cpy-cli.
  • NPM scripts sem keyra upp „dev“ og „build“.
• package-lock.json skrá sem skilgreinir nákvæmlega hvaða dependency eru notuð fyrir dependency-in okkar
• index.html með leiðbeiningum og tengingu við scripts.js.
• .gitignore sem passar upp á að node_modules mappan sé ekki geymd í git.
• scripts.js með grunni að forriti, athugasemdir og tillögur að útfærslum eru í skjalinu.

Skjölun á nokkrum föllum og breytum sem notar jsdoc.

NPM

Til að byrja að vinna verkefnið þarf að sækja það frá GitHub og keyra NPM:

# Inni í möppu sem á að geyma verkefnið
git clone https://github.com/vefforritun/vef1-2024-v7.git
# eða
git clone git@github.com:vefforritun/vef1-2024-v7.git

# Förum inn í möppu
cd vef1-2024-v7

# Sækjum öll dependency með NPM
npm install

# Keyrum NPM script fyrir development
npm run dev

Áður en skilað er þarf að breyta remote í þitt eigið repo:

git remote remove origin
git remote add origin <slóð á þitt GitHub repo>

Virkni

Setja upp virkni sem greinir strengi og gefur ýmsar upplýsingar um þá. Notkun á forritinu er í gegnum console í vafra, sjá lýsingu í index.html, en útfæra skal gefin föll (sjá nánar í athugasemdum) í scripts.js:

• longest(str)
  • Skilar lengsta orðinu í str.
  • Ekki þarf að fjarlægja bil, tölustafi eða önnur tákn.
  • Orð eru aðskilin með bilum.
  • Greinarmerki er partur af orðinu, t.d. ætti longest('halló heimur!') að skila heimur!.
  • Skilar fyrsta orðinu ef annað/önnur jafn löng finnast.
  • Ef str er tómur strengur skal skila tómum streng.
  • Ef str er ekki strengur skal skila null.
• shortest(str)
  • Eins og longest nema skilar stysta orðinu í str.
• reverse(str)
  • Skilar str í öfugri röð.
  • Ef str er ekki strengur skal skila null.
  • Ef str er tómur strengur skal skila tómum streng.
• vowels(str)
  • Skilar fjölda sérhljóða í str.
  • Ef engir sérhljóðar eða ekki strengur skal skila 0.
  • Sérhljóðar eru allir íslenskir sérhljóðar: a, e, i, o, u, y, á, é, ý, ú, í, ó, ö, æ.
• consonants(str)
  • Skilar fjölda samhljóða í str.
  • Ef engir samhljóðar eða ekki strengur skal skila 0.
  • Samhljóða eru allir íslenskir samhljóðar: b, d, ð, f, g, h, j, k, l, m, n, p, r, s, t, v, x, þ.
• palindrome(str)
  • Samhverfur strengur er lesin eins frá vinstri til hægri og hægri til vinstri.
  • Skilar true ef str er samhverfur (palindrome), annars false.
  • Skilar false ef str er ekki strengur.
  • Ekki skiptir máli hvort stafir séu hástafir eða lágstafir.
  • Ekki þarf að fjarlægja bil, tölustafi eða önnur tákn.
  • Tómur strengur er ekki samhverfur.

Í scripts.js er merkt það sem þarf að útfæra með athugasemdum.

Fyrir inntak og til að birta notendum gögn skal nota alert confirm og prompt föllin ásamt console hlutinn til að birta upplýsingar með console.info() og console.error().

Hjálparföll

Í öllum tilfellum skal nota gefin hjálparföll. Sjá nánar í skjölun scripts.js.

Fyrir útfærslu á svipaðri virkni ætti að skoða að útbúa hjálparföll.

Leiðbeint ferli

Í scripts.js skal útfæra fallið start(). Það skal:

• Birta leiðbeiningar með alert um hvernig forritið er notað.
• Biðja um inntak (streng) með prompt.
• Ef löglegt inntak og ekki ýtt á „cancel“ skal kalla á longest, shortest, reverse, vowels, consonants og palindrome föllin.
• Birta niðurstöður í alert með upplýsingum um hvað kom út úr hverju kalli, hver niðurstaða i nýjum streng.
• Ef „cancel“ eða tómi strengur, ekki gera neitt.
• Eftir að niðurstöður hafa verið birt skal bjóða notanda að gera aftur eða hætta.

Prófanir

Fyrir hvert af föllunum, fyrir utan start, skal skilgreina a.m.k. tvö próf með console.assert() sem sýna að fallið virki rétt. Prófin skulu vera skilgreind í scripts.js. Sjá dæmi í scripts.js.

Netlify

Skila skal verkefninu keyrandi á Netlify. Gefið er build script í package.json og nota build ferli þ.a. mappa sem verður til í build ferli sé notuð fyrir vef. Þetta verður til þess að þau gögn sem eru i möppu og eru ekki fyrir almenning (t.d. package.json) eru ekki birt, heldur aðeins:

• index.html
• scripts.js

Mat

• 10% Verkefni sett upp GitHub og á Netlify og build scripta notuð.
• 40% Föll útfærð og virka.
• 10% Hjálparföll notuð.
• 20% Leiðbeint ferli útfært gegnum start fallið.
• 20% Prófanir á föllum.

Sett fyrir

Verkefni sett fyrir mánudaginn 7. október 2024.

Skil

Skila skal í Canvas, seinasta lagi fyrir lok dags fimmtudaginn 17. október 2024.

Skilaboð skulu innihalda:

• Slóð á verkefnið keyrandi í hýsingu
• Slóð á GitHub repo fyrir verkefni. Dæmatímakennurum skal hafa verið boðið í repo. Notendanöfn þeirra eru:
  • digitalsigga
  • ofurtumi
  • osk
  • polarparsnip
  • reynirjr

Skila má eins oft og þið viljið þar til skilafrestur rennur út.

Einkunn

Leyfilegt er að ræða, og vinna saman að verkefni en skrifið ykkar eigin lausn. Ef tvær eða fleiri lausnir eru mjög líkar þarf að færa rök fyrir því, annars munu allir hlutaðeigandi hugsanlega fá 0 fyrir verkefnið.

Ef stórt mállíkan (LLM, „gervigreind“, t.d. ChatGTP) er notað til að skrifa part af lausn skal taka það fram. Sjá nánar á upplýsingasíða um gervigreind hjá HÍ.

Sett verða fyrir tíu minni verkefni þar sem átta bestu gilda 5% hvert, samtals 40% af lokaeinkunn.

Sett verða fyrir tvö hópverkefni þar sem hvort um sig gildir 10%, samtals 20% af lokaeinkunn.

Útgáfa 0.1