Hópverkefni 1

Útfæra skal vefþjónustur fyrir vefbúð með:

• Notendaumsjón
  • Stjórnendur sem geta breytt, bætt við, og eytt bæði vörum og flokkum, og skoðað pantanir
  • Notendum sem geta „verslað“ með því að setja í körfu og sent inn pöntun
• Vörum
  • Eftir flokkum
  • Eftir leit
• Gervivörum útbúnum með faker

Notendaumsjón

Notendaumsjón skiptist í tvennt: stjórnendur og venjulega notendur. Stjórnendur geta átt við gögn í búð og skoðað pantanir. Notendur geta aðeins útbúið körfu, bætt vörum við körfu og breytt körfu í pöntun.

Nota skal JWT með passport og geyma notendur i gagnagrunni. Útfæra þarf auðkenningu, nýskráningu notanda og middleware sem passar upp á heimildir stjórnenda og notenda.

Útbúa skal í byrjun einn stjórnanda með notandanafn admin og þekkt lykilorð, skrá skal hvert lykilorð í README verkefnis. Stjórnendur geta gert aðra notendur að stjórnendum.

Notendur sem ekki eru innskráðir geta skoðað vörur og leitað í þeim.

Töflur

• Flokkar
  • Titill, einstakt gildi, krafist
• Vörur
  • Titill, einstakt gildi, krafist
  • Verð, heiltala, krafist
  • Lýsing, lengri texti, krafist
  • Mynd, ekki krafist, url á mynd
  • Dagsetningu sem vöru var bætt við, útbúið sjálfkrafa
  • Flokkur, krafist, vísun í flokkstöflu
• Notendur
  • Notendanafn, einstakt, krafist
  • Netfang, einstakt, krafist
  • Lykilorð, krafist, a.m.k. 8 stafir og ekki í lista yfir algeng lykilorð geymt sem hash úr bcrypt
  • Stjórnandi, biti, sjálfgefið false
• Körfur/pantanir
  • Vísun í notanda
  • Pöntun, biti, true ef pöntun, annars túlkað sem karfa
  • Nafn, strengur, krafist ef pöntun (ekki í gagnagrunn)
  • Heimilisfang, strengur, krafist ef pöntun (ekki í gagnagrunn)
  • Dagsetningu sem pöntun var búin til
• Vörur í körfu/pöntun
  • Vísun í körfu/pöntun
  • Vísun í vöru
  • Fjöldi, heiltala stærri en 0

Töflur skulu hafa auðkenni og nota foreign keys þegar vísað er í aðrar töflur.

Gögn

Þegar verkefni er sett upp skal útbúa gervigögn fyrir búð með faker:

• Flokkar, a.m.k. 12 einstakir flokkar (nota skal commerce.department)
• Vörur, a.m.k. 1000 vörur (nota skal gildi úr commerce og lorem.paragraphs)
  • Hver vara skal vera í einum af útbúnum flokk af handahófi
  • Hver vara skal velja eina mynd af handahófi úr gefnum myndum

Myndir

Gefnar eru myndir fyrir vörur í img/.

Allar myndir skal geyma í Cloudinary, bæði þær sem settar eru upp í byrjun og þær sem sendar eru inn gegnum vefþjónustu.

Aðeins ætti að leyfa myndir af eftirfarandi tegund (mime type):

• jpg, image/jpeg
• png, image/png
• gif, image/gif

Þó svo að Cloudinary styðji fleiri tegundir, þá er hægt að staðfesta að við höfum mynd áður en uploadað á Cloudinary.

Vefþjónustur

Útfæra skal vefþjónustur til að útfæra alla virkni. Nota skal JSON í öllum samskiptum (má sleppa þegar vara er búin til, sjá að neðan).

GET á / skal skila lista af slóðum í mögulegar aðgerðir.

Notendur

• /users/
  • GET skilar síðu af notendum, aðeins ef notandi sem framkvæmir er stjórnandi
• /users/:id
  • GET skilar notanda, aðeins ef notandi sem framkvæmir er stjórnandi
  • PATCH breytir hvort notandi sé stjórnandi eða ekki, aðeins ef notandi sem framkvæmir er stjórnandi og er ekki að breyta sér sjálfum
• /users/register
  • POST staðfestir og býr til notanda. Skilar auðkenni og netfangi. Notandi sem búinn er til skal aldrei vera stjórnandi
• /users/login
  • POST með netfangi og lykilorði skilar token ef gögn rétt
• /users/me
  • GET skilar upplýsingum um notanda sem á token, auðkenni og netfangi, aðeins ef notandi innskráður
  • PATCH uppfærir netfang, lykilorð eða bæði ef gögn rétt, aðeins ef notandi innskráður

Aldrei skal skila eða sýna hash fyrir lykilorð.

Vörur

• /products
  • GET Skilar síðu af vörum raðað í dagsetningar röð, nýjustu vörur fyrst
  • POST býr til nýja vöru ef hún er gild og notandi hefur rétt til að búa til vöru, aðeins ef notandi sem framkvæmir er stjórnandi
  • Bæði er í lagi að taka við gögnum sem form data þar sem bæði mynd og gögn eru send inn, eða sem JSON og útfæra annað route sem tekur við mynd og festir við vöru, t.d. POST /products/{id}/image
• /products?category={category}
  • GET Skilar síðu af vörum í flokk, raðað í dagsetningar röð, nýjustu vörur fyrst
• /products?search={query}
  • GET Skilar síðu af vörum þar sem {query} er í titli eða lýsingu, raðað í dagsetningar röð, nýjustu vörur fyrst
  • Það er hægt að senda bæði search og category í einu
• /products/:id
  • GET sækir vöru
  • PATCH uppfærir vöru, aðeins ef notandi sem framkvæmir er stjórnandi
  • DELETE eyðir vöru, aðeins ef notandi sem framkvæmir er stjórnandi
• /categories
  • GET skilar síðu af flokkum
  • POST býr til flokk ef gildur og skilar, aðeins ef notandi sem framkvæmir er stjórnandi
• /categories/:id
  • PATCH uppfærir flokk, aðeins ef notandi sem framkvæmir er stjórnandi
  • DELETE eyðir flokk, aðeins ef notandi sem framkvæmir er stjórnandi

Karfa/pantanir

• /cart
  • GET skilar körfu fyrir notanda með öllum línum og reiknuðu heildarverði körfu, aðeins ef notandi er innskráður
  • POST bætir vöru við í körfu, krefst fjölda og auðkennis á vöru, aðeins ef notandi er innskráður
• /cart/line/:id
  • GET skilar línu í körfu með fjölda og upplýsingum um vöru, aðeins ef notandi er innskráður
  • PATCH uppfærir fjölda í línu, aðeins ef notandi er innskráður, aðeins fyrir línu í körfu sem notandi á
  • DELETE eyðir línu úr körfu, aðeins ef notandi er innskráður, aðeins fyrir línu í körfu sem notandi á
• /orders
  • GET skilar síðu af pöntunum, nýjustu pantanir fyrst, aðeins pantanir notanda ef ekki stjórnandi, annars allar pantanir
  • POST býr til pöntun úr körfu með viðeigandi gildum, aðeins ef notandi er innskráður, á körfu og karfa inniheldur einhverjar línur
• /orders/:id
  • GET skilar pöntun með öllum línum, gildum pöntunar og reiknuðu heildarverði körfu, aðeins ef notandi á pöntun eða notandi er stjórnandi

Fyrir hvert tilvik, bæði þegar gögn eru búin til eða uppfærð, skal staðfesta að notandi hafi rétt og að gögn séu rétt. Ef svo er ekki skal skila viðeigandi HTTP status kóða og villuskilaboðum sem segja til um villur.

Annað

Allar niðurstöður sem geta skilað mörgum færslum (fleiri en 10) skulu skila síðum, ekki þarf að skila síðum fyrir línur í pöntun.

Ekki þarf að útfæra „týnt lykilorð“ virkni.

Vörur geta aðeins verið í einum flokk.

Þegar gögn eru flutt inn í gagnagrunn getur verið gott að nýta await í lykkju þó að eslint mæli gegn því. Ef t.d. er reynt að setja inn yfir 500 færslur í einu í gagnagrunn með Promise.all, getur tenging rofnað vegna villu.

Lausn skal keyra á Heroku.

Hópavinna

Verkefnið skal unnið í hóp, helst með þremur einstaklingum. Hópar með tveim eða fjórum einstaklingum eru einnig í lagi, ekki er dregið úr kröfum fyrir færri í hóp en gerðar eru auknar kröfur ef fleiri en þrír einstaklingar eru í hóp.

Hægt er að auglýsa eftir hóp á slack á rásinni #vef2-2019-hopur.

Hafið samband við kennara ef ekki tekst eða ekki mögulegt að vinna í hóp.

README

Í rót verkefnis skal vera README.md skjal sem tilgreinir:

• Upplýsingar um hvernig setja skuli upp verkefnið
• Dæmi um köll í vefþjónustu
• Innskráning fyrir admin stjórnanda ásamt lykilorði
• Nöfn og notendanöfn allra í hóp

Git og GitHub

Verkefni þetta er sett fyrir á GitHub og almennt ætti að skila því úr einka (private) repo nemanda. Nemendur geta fengið gjaldfrjálsan aðgang að einkarepos á meðan námi stendur, sjá https://education.github.com/.

Til að byrja er hægt að afrita þetta repo og bæta við á sínu eigin:

> git clone https://github.com/vefforritun/vef2-2019-h1.git
> cd vef2-2019-h1
> git remote remove origin # fjarlægja remote sem verkefni er í
> git remote add origin <slóð á repo> # bæta við í þínu repo
> git push -u origin master # ýta á nýtt origin og tracka branch

Mat

• 20% – Töflur og gögn lesin inn
• 30% – Auðkenning og notendaumsjón
• 30% – Vörur og flokkar
• 20% – Karfa og pantanir

Sett fyrir

Verkefni sett fyrir í fyrirlestri fimmtudaginn 28. febrúar 2019.

Skil

Einn aðili í hóp skal skila fyrir hönd allra og skila skal undir „Verkefni og hlutaprófa“ á Uglu í seinasta lagi fyrir lok dags miðvikudaginn 27. mars 2018.

Skilaboð skulu innihalda:

• Slóð á GitHub repo fyrir verkefni, og dæmatímakennurum skal hafa verið boðið í repo (sjá leiðbeiningar). Notendanöfn þeirra eru freyrdanielsson, gunkol, kth130
• Slóð á verkefni keyrandi á Heroku
• Nöfn allra í hópnum

Fyrir skil gæti þurft að fjarlægja einhvern hópmeðlimi af repo, þ.a. hægt sé að bjóða dæmatímakennurum.

Einkunn

Sett verða fyrir sex minni verkefni þar sem fimm bestu gilda 6% hvert, samtals 30% af lokaeinkunn.

Sett verða fyrir tvö hópverkefni þar sem hvort um sig gildir 15%, samtals 30% af lokaeinkunn.

Verkefnahluti gildir 60% og lokapróf gildir 40%. Ná verður bæði verkefnahluta og lokaprófi með lágmarkseinkunn 5.

---

Útgáfa 0.2

Útgáfa	Lýsing
0.1	Fyrsta útgáfa
0.2	Bæta við nákvæmri útlistun á hvað notandi getur ekki en stjórnandi getur