Verkefni 5

Verkefni 5 snýst um að endurútfæra framenda úr seinna hópverkefni í vefforritun 1, 2018 með React.

Fyrirlestrar

Fylgja skal útliti sem gefið er í hópverkefni 2, og er grunnur að lausn uppsettur með Sass og búið er að færa einhvern hluta af útliti úr sýnilausn yfir.

Birta þarf upplýsingar úr lectures.json bæði á yfirlitssíðu og fyrir hvern og einn fyrirlestur. Lesa má nánar um uppsetningu á json skrá í lýsingu á hópverkefni 2.

Titill skal vera „Fyrirlestrar“ fyrir forsíðu en titill fyrirlesturs fyrir hvern stakan fyrirlestur. Hver fyrirlestur skal svara á /:slug, setja skal upp routing með react-router.

Á forsíðu skal vera hægt að sía fyrirlestra eftir flokkum: HTML, CSS og JavaScript.

Fyrir hvern fyrirlestur þarf að birta efni úr content fylki fyrirlesturs. Útfæra þarf react component sem gerir þetta.

Útfærsla

Gefinn er grunnur að „statísku“ API sem skilar gögnum og leyfir að merkja fyrirlestur sem kláraðann. Gögn um kláraða fyrirlestra skal geyma í localStorage.

Titil á síðu skal breyta með react-helmet.

Útfæra ætti fleiri en færri componenta, í sýnilausn eru t.d. útfærðir eftirfarandi components (þeir gætu verið fleiri):

• filters, birtir síur og sér um að viðhalda stöðu um hvaða síur séu virkar
• header, birtir haus síðu, titil, flokk og hugsanlega mynd
• item, tekur við fylki af efni fyrir fyrirlestur og skilar HTML elementum
• lecture, birtir fyrirlestur
• lectures, birtir lista af fyrirlestrum

Milli filters og lectures þarf að mynda tengls (senda föll á milli og láta foreldri sjá um stöðu) þ.a. þegar smellt er á síu fái lectures nýjan lista af síuuðum fyrirlestrum. Farið yfir í fyrirlestri 9.

og í routes/ ættu að vera síður fyrir

• home, yfirlitssíða
• lecture, stakur fyrirlestur, má heita sama og component, myndi setja saman viðeigandi componenta, þ.m.t. lecture component
• not-found, 404 síða

Allar myndir sem þarf eru gefnar undir public/img/.

Ekki þarf að bæta við fleiri pökkum en eru í grunn að lausn.

Alls ekki ætti að nota neinar DOM aðferðir í lausn.

Git og GitHub

Verkefni þetta er sett fyrir á GitHub og almennt ætti að skila því úr einka (private) repo nemanda. Nemendur geta fengið gjaldfrjálsan aðgang að einkarepos á meðan námi stendur, sjá https://education.github.com/.

Til að byrja er hægt að afrita þetta repo og bæta við á sínu eigin:

> git clone https://github.com/vefforritun/vef2-2019-v5.git
> cd vef2-2019-v5
> git remote remove origin # fjarlægja remote sem verkefni er í
> git remote add origin <slóð á repo> # bæta við í þínu repo
> git push -u origin master # ýta á nýtt origin og tracka branch

Mat

• 10% – Snyrtilegur kóði, engar villur þegar npm test er keyrt
• 30% – Yfirlitssíða með síu
• 40% – Fyrirlestrarsíða útfærð með efni
• 10% – Hægt að skrá að fyrirlestur sér kláraður
• 10% – Verkefni uppsett á Heroku

Sett fyrir

Verkefni sett fyrir í fyrirlestri fimmtudaginn 7. mars 2019.

Skil

Skila skal undir „Verkefni og hlutaprófa“ á Uglu í seinasta lagi fyrir lok dags föstudaginn 22. mars 2019.

Skilaboð skulu innihalda:

• Slóð á GitHub repo fyrir verkefni, og dæmatímakennurum skal hafa verið boðið í repo (sjá leiðbeiningar). Notendanöfn þeirra eru freyrdanielsson, gunkol, kth130
• Slóð á verkefni keyrandi á Heroku

Einkunn

Sett verða fyrir sex minni verkefni þar sem fimm bestu gilda 6% hvert, samtals 30% af lokaeinkunn.

Sett verða fyrir tvö hópverkefni þar sem hvort um sig gildir 15%, samtals 30% af lokaeinkunn.

Verkefnahluti gildir 60% og lokapróf gildir 40%. Ná verður bæði verkefnahluta og lokaprófi með lágmarkseinkunn 5.

---

Útgáfa 0.1

Útgáfa	Lýsing
0.1	Fyrsta útgáfa
0.2	Bæta við mati um snyrtilegan kóða