Hópverkefni 1 – sýnilausn

Sýnilausn á hópverkefni 1 í vefforritun 2 árið 2019. Lausnin keyrir á https://vefforritun2-2019-h1-synilausn.herokuapp.com/.

Umhverfisbreytur

Eftirfarandi breyta er krafist:

• DATABASE_URL
  • Slóð á gagnagrunn með auðkenningu
• CLOUDINARY_URL
  • Slóð á Cloudinary uppsetningu með auðkenningu
• JWT_SECRET
  • Langur, handahófskenndur strengur fyrir leyndarmál sem notað er fyrir JWT token

Eftirfarandi breytur eru valkvæmar:

• HOST
  • Gildi sem notað er til að útbúa slóð á vefþjón
  • Sjálfgefið 127.0.0.1
• PORT
  • Gildi fyrir port sem forrit keyrir á
  • Sjálfgefið 3000
• BASE_URL
  • Gildi fyrir slóð á vefþjón, á forminu https://example.org
  • Notað fyrir lýsigögn (paging) fyrir síður
  • Sjálfgefið óskilgreint
• JWT_TOKEN_LIFETIME
  • Hversu lengi JWT token er gildur
  • Sjálfgefið sjö dagar eða 60 * 60 * 24 * 7 sekúndur
• BCRYPT_ROUNDS
  • Hversu oft á að hasha bcryptuð lykilorð
  • Sjálfgefið 11
• DEBUG
  • Hvort birta eigi auka debug gögn í keyrslu
  • Sjálfgefið false
• NUMBER_OF_FAKE_CATEGORIES
  • Fjöldi gervi flokka sem búa á til
  • Sjálfgefið 12
• NUMBER_OF_FAKE_PRODUCTS
  • Fjöldi gervi vara sem búa á til
  • Sjálfgefið 100
• IMAGE_FOLDER
  • Mappa með myndum fyrir gervivörur
  • Sjálfgefið ./img

Uppsetning

1. Búa til gagnagrunn, t.d. createdb 2019-h1-synilausn
2. Búa til Cloudinary aðgang
3. Afrita .env_example í .env og setja upplýsingar fyrir a. Gagnagrunn b. Cloudinary
4. Keyra npm run setup til að: a. Útbúa gagnagrunn og fylla af gögnum búnum til með faker b. Færa allar myndir úr img í Cloudinary c. Útbúa grunn notendur d. Útbúa pantanir og körfu fyrir notendur

createdb 2019-h1-synilausn
cp .env_example .env # Stilla breytur sem er krafist
npm install
npm test -s
npm run setup -s
npm run dev

Notendur

• Stjórnandi með notandanafn admin, lykilorð hóp1-2019-admin
• Ekki stjórnandi með notandanafn oli, lykilorð hallóheimur
  • Á pantanir og körfu

Að eyða gögnum

Þessi lausn leyfir ekki að eyða gögnum ef einhver önnur gögn vísa í þau, t.d. er ekki hægt að eyða flokk ef a.m.k. ein vara er í þeim flokk. Lausn leyfir hinsvegar að breyta vörum eftir að þær eru komnar í körfu eða pöntun. Það er augljóslega ekki frábært.

Það eru nokkrar leiðir til að meðhöndla það að eyða gögnum eða breyta þeim þar sem við höfum venslaðan grunn með tímaháðum gögnum. Tek það fram að ég er engin gagnagrunns sérfræðingur og slíkir munu að öllum líkindum hrylla sig við þessu yfirliti.

Soft delete

Soft delete, leyfir okkur að fjarlægja gögn úr birtingu án þess að eyða þeim í raun og veru. Bætum við dálk, t.d. deleted á töflu og setjum sem true ef röð hefur verið eytt. Leyfir okkur að „eyða“ gögnum á kostnað þess að þurfa að hafa deleted = FALSE skilyrði á öllum fyrirspurnum. Leysir ekki breytingar á gögnum.

„Denormalize“

Að denormalizea gagnagrunn getur verið lausn á vandamálum sem koma upp, bæði vegna breytinga á gögnum og hraða á fyrirspurnum. Ef það er lesið mjög oft (read) úr grunninum okkar hversu margar vörur eru til (og við höfum mjög margar vörur) en við uppfærum það sjaldan (write) getur verið hagstæðara að uppfæra talningu við skrifa í staðinn fyrir að lesa það oft.

Ef við notum ekki vísanir í t.d. vöru en í staðinn afritum gildin á þeim tímapunkti sem þau eru notuð (pöntun búin til, vara sett í körfu) þurfum við ekki að hafa áhyggjur af því að breyta vörunni á seinni tíma. Þetta þýðir samt að við höfum fleiri en eitt afrit af gögnum á mismunandi stöðum í gagnagrunni og getur það valdið ósamræmi.

Saga

Við getum útbúið gagnagrunninn okkar þannig að við höfum leiðir til að fylgjast með sögu hverjar raðar. Ef röð er breytt höfum við einhverja leið til að sjá fyrri útgáfur af röðinni, sama ef henni er eytt. Þetta eykur flækjustig í hönnun á gagnagrunni og fyrirspurnum en leyfir okkur að vita nákvæmlega hvað og hvenær eitthvað gerðist.